ཕྱི་ལོ་༢༠༡༦ཟླ་༠༥ཚེས་༡༡ཉིན་ཁྱིམ་ཚང་དྲུག་གི་རྒྱལ་ཚོགས་སུ་བོད་དོན་ཞུ་གཏུག་གི་ལས་འགུལ་ཐེངས་༥༣པ་སུད་སི་ཇི་ནེ་ཝ་རྒྱལ་ཚོགས་ཀྱི་མདུན་ཐང་དུ་ཆར་བ་ཤིག་ཤིག་ཁྲོད་སླར་ཡང་སྤེལ་ཡོད་འདུག ལས་འགུལ་བ་རྣམས་ཀྱིས་ནམ་རྒྱུན་ལྟར་ཟླ་གཅིག་ནང་བོད་དོན་ཞུ་གཏུག་གི་ལས་འགུལ་ཐེངས་རེར་སྤེལ་བཞིན་པ་ལྟར། ཉིན་འདིར་ཡང་སུད་སི་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལས་ཁུངས་མདུན་དུ་
བོད་ཕྱི་ནང་གཉིས་སུ་རང་ལུས་མེར་སྲེག་གནང་མཁན་རྒྱལ་གཅེས་དཔའ་བོ་དཔའ་མོའི་གྲངས་དང་མཉམ་པའི་བོད་ཀྱི་རྒྱལ་དར་སྒྲེང་འཛུགས་དང་། བོད་ནང་གི་ཆེས་ཛ་དྲག་གི་གནས་བབ་འཁོད་པའི་ཡིག་ཆ་ཁག་འགྲེམས་སྤེལ། ལྷག་པར་དུ་བོད་ཕྱི་ནང་གི་སྐུ་ལུས་མེར་སྲེག་གནང་མཁན་རྒྱལ་གཅེས་དཔའ་བོ་དཔའ་མོ་ཚོའི་སྐུ་པར་འགྲེམས་འཇོགདམིགས་བསལ་༢༠༠༨ནས་ད་ལྟའི་བར་གྱི་རྒྱ་གཞུང་གི་བཙོན་ནས་རྐྱེན་འདས་སུ་སོང་བའི་ཆབ་སྲིད་བཙོན་པ་རྣམས་ཀྱི་གནས་སྟངས་འཁོད་པའི་ཡིག་ཆ (Death due to torture in prison since 2008) དང་། ༧ཀུན་གཟིགས་པཎ་ཆེན་ཆུང་སྲིད་རིན་པོ་ཆེ་དགེ་འདུན་ཆོས་ཀྱི་ཉི་མ་ཆོག་དགུང་གྲངས་དྲུག་ནས་རྒྱ་གཞུང་གིས་བཙོན་འཇུགས་བྱས་ཏེ་ད་ལྟའང་གནས་སྟངས་ཁ་གསལ་མེད་པའི་སྐོར་ཀྱི་ཡིག་ཆ། དེ་བཞིན་རྒྱལ་གཅེས་དཔའ་བོ་དཔའ་མོ་རྣམས་ཀྱིས་སྐུ་ལུས་མེར་སྲེག་གནང་དགོས་པའི་རྒྱབ་ལྗོངས་འབྲེལ་བརྗོད་དང་། ཁོང་རྣམས་ཀྱི་འབོད་སྒྲའམ་དགོས་འདུན་འཁོད་པའི་ཡིག་ཆ་ཁག་དང་འཕྲེད་དར། དེ་བཞིན་སྐུ་ལུས་མེར་སྲེག་གནང་བའི་ཐད་༧གོང་ས་མཆོག་དང་དབུས་བོད་མིའི་སྒྲིག་འཛུགས་ཀྱི་ལངས་ཕྱོགས་དང་དགོངས་ཚུལ་ག་རེ་ཡིན་པའི་སྐོར་གྱི་ཡིག་ཆ་དང་།ཕྱི་ལོ་༢༠༡༥ལོའི་བོད་ནང་གི་འགྲོ་བ་མིའི་ཐོབ་ཐང་གི་སྙན་ཐོདང་ཆོས་ལུགས་དད་མོས་རང་དབང་གི་སྙན་ཐོ།༧གོང་ས་མཆོག་གིས་དམིགས་བསལ་རྒྱ་རིགས་ཚོར་བཀའ་སློབ་བསྩལ་བའི་ཡིག་ཆ།གསར་འགོད་གསལ་བསྒྲགས་སོགས་རྒྱ་ཡིག་དང་། དབྱིན་ཡིག ཧྥ་རན་སིའི་སྐད་༼FRENCH༽བཅས་ཀྱི་ནང་ཕྱི་རྒྱལ་མི་རིགས་དང་རྒྱལ་ཚོགས་ཀྱི་ལས་བྱེད། ལྷག་དོན་རྒྱ་རིགས་ཡུལ་སྐོར་བ་སོགས་ལ་འགྲེམ་སྤེལ་བྱས་ཡོད་འདུག་ཅིང་།ནམ་རྒྱུན་ལྟར་མཉམ་འབྲེལ་རྒྱལ་ཚོགས་ཀྱི་ལས་ཁུངས་དང་།མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ཆེས་མཐོའི་ལས་ཁུངས་གཉིས་ལ་སླར་ཡང་དོན་ཚན་དགུ་ཅན་གྱི་དགོས་འདུན་སྙན་ཞུ་དང་དབུས་བོད་མིའི་སྒྲིག་འཛུགས་ཀྱིས་བཏོན་པའི་ཕྱི་ལོ༢༠༡༦ལོའི་ཟླ༡པོའི་བོད་ནང་གི་འགྲོ་བ་མིའི་ཐོབ་ཐང་གི་སྙན་སོགས་ཕུལ་ཡོད་འདུག
ཐེངས་འདིར་མཉམ་འབྲེལ་རྒྱལ་ཚོགས་ཀྱི་ལས་བྱེད་ཁག་ཅིག་གིས་ལས་འགུལ་བ་ཚོར་གདུང་སེམས་མཉམ་བསྐྱེད་གྱི་རྣམ་པ་ཤུགས་ཆེན་སྟོན་གནང་ཡོད་པ་དང་། གཞན་ཡུལ་སྐོར་སྤྲོ་འཆམ་པ་མང་པོས་ཀྱང་བོད་ཀྱི་རྒྱལ་དར་གནམ་ལ་ཕྱར་ཏེ་གདུང་སེམས་མཉམ་བསྐྱེད་ཀྱི་རྒྱབ་སྐྱོར་གང་ལེགས་གནང་ཡོད་འདུག
གསར་འགོད་པ། ཙ་ཡུས་ཕུན་ཚོགས།
༡ ལས་འགུལ་བའི་ཞལ་པར་ཨང་།
༡ ངག་དབང་ཚང་ངག་དབང་དཔལ་ལྡན། ༠༧༦་༥༣༤་༨༠་༩༡༢
༢ བཀྲ་བསྟན་ཚང་པ་སངས། ༠༧༦༦༢༠༡༠༥༡
༣ རྒྱལ་ཚང་བཀྲ་ཤིས་ལྷ་མོ། ༠༧༦༤༥༤༥༤༠༩
༤་སྟག་ཚང་དཀོན་ཅོག ༠༧༦༤༧༧༤༡༦༢
༥ ཡེ་ཤེས་ལྷ་མོ། ༠༠༦༡་༤༡༠༢༢༣༥༥༨
༦ མི་ལིང་བཀྲིས་ཟླ་བ། ༠༧༦༥༨༨༢༨༥༩
DAY DATE MONTH Appeal letter
Wednesday 13 January 49th
Wednesday 10 February 50th
Wednesday 9 March 51th
Wednesday 13 April 52th
Wednesday 11 May 53th
Wednesday 8 June 54th
Wednesday 13 July 55th
Wednesday 10 August 56th
Wednesday 14 September 57th
Wednesday 12 October 58th
Wednesday 9 November 59th
Saturday 10 December 60th